CONVOCATORIA PARA A CONCESIÓN DE AXUDAS MUNICIPAIS DE LIBROS, MATERIAL ESCOLAR E COMEDOR PARA ALUMNOS/AS DE CENTROS DOCENTES PÚBLICOS E PRIVADOS CONCERTADOS DE EDUCACIÓN INFANTIL (SEGUNDA ETAPA), EDUCACIÓN PRIMARIA E SECUNDARIA CURSO 2013/2014
Prazo de presentación de solicitudes: 02/05/2013 ao 16/05/2013
BASES REGULADORAS E
CONVOCATORIA ESPECÍFICA PARA A CONCESIÓN DE AXUDAS MUNICIPAIS DE LIBROS,
MATERIAL ESCOLAR E COMEDOR PARA ALUMNOS/AS DE
CENTROS DOCENTES PÚBLICOS E PRIVADOS CONCERTADOS DE EDUCACIÓN INFANTIL
(SEGUNDA ETAPA), EDUCACIÓN PRIMARIA E SECUNDARIA, DO CONCELLO DE VIGO, CURSO
2013/2014.
EXPOSICIÓN DE MOTIVOS:
A
Constitución española, no seu artigo 39, considera a obrigatoriedade dos
poderes públicos de asegurar a protección social, económica e xurídica da
familia.
A Lei
7/1985, reguladora de bases de réxime local, no seu artigo 25.2.k e a Lei
5/1997, de administración local de Galicia, no seu artigo 80.2.k, establecen a
competencia dos municipios na prestación de servizos sociais e de promoción e
inserción social.
Pola súa
parte, o Estatuto de Autonomía de Galicia lexitima a actuación lexislativa da
Comunidade Autónoma no campo da protección da familia, infancia e adolescencia,
nos títulos de competencia xenéricos de asistencia social e de promoción do
desenvolvemento comunitario (artigo 27).
A Lei
13/2008, do 3 de decembro de 2008 atribúe aos concellos, entre outras
competencias, a creación e xestión dos servizos sociais de atención primaria (
servizos de atención comunitaria na nova Lei). Do mesmo xeito, determinase en
ambas leis que as administracións poderán conceder axudas económicas para
apoiar o coidado de menores, paliar situacións transitorias de necesidade,
garantir un mínimo de subsistencia e reforzar procesos de integración familiar
e inclusión social.
A Lei
3/2011, do 30 de xuño, de apoio á familia e á convivencia de Galicia, garante a
protección total da familia, en especial a das familias valoradas de especial
consideración, ás que se lles asegura un trato preferente, entre otros, nos
ámbitos educativos, de vivenda, da cultura, das novas tecnoloxías
O artigo
8 da citada Lei 3/2011, atribúe competencias aos municipios para a execución de
programas e proxectos destinados á atención das familias.
O
proxecto de axudas municipais escolares de libros, material escolar e comedor
leva facéndose no Concello de Vigo hai mais de vinte anos, observándose un
crecemento tanto na demanda coma no seu orzamento. Van destiñadas a alumnos/as
matriculados en centros docentes públicos e privados concertados,
empadroados/as e pertencentes a unidades familiares en situacións de escasos
recursos económicos.
Por todo
isto convocase a concesión de axudas municipais de libros, material escolar e
comedor, no marco xurídico definido da Lei 9/2007, do 13 de xuño, de
subvencións de Galicia, os preceptos básicos da lei 38/2003, do 17 de novembro,
xeral de subvencións, así como o Real Decreto 887/2006, do 21 de xullo, polo
que se aproba o Regulamento da Lei 38/2003, do 17 de novembro, xeral de subvencións.
PRIMEIRA.- Obxecto e finalidade
É obxecto
da presente convocatoria regular o procedemento para a concesión de subvencións
ás familias do alumnado de centros docentes públicos e privados concertados, de
educación infantil (segunda etapa), educación primaria e secundaria
obrigatoria, con enderezo en Vigo, para o curso 2013-2014.
As axudas
de libros, material escolar e comedor van dirixidas, prioritariamente, a
menores de familias con dificultades socioeconómicas e que teñan dificultades
en conciliar a súa vida familiar e laboral.
Os
programas subvencionables serán:
1.
Axudas
para a adquisición de libros e material escolar para Educación Infantil (2ª
etapa).
2.
Axudas
para comedores escolares (setembro a
xuño, ámbolos dous incluídos) para alumnos/as matriculados nos niveis de
Educación Infantil (2ª etapa), Educación Primaria e Educación Secundaria
Obrigatoria.
Estas
axudas outorgaranse de acordo aos principios de publicidade, concorrencia e
obxectividade.
O fin
último das subvencións é o de favorecer
a integración socio laboral dos pais, nais, titores ou acolledores, apoiando a
unidade familiar que, por escasez de recursos económicos, non poden afrontar o
custo do servizo.
SEGUNDA.- Contía
A contía da presente
convocatoria ascende a un total de 992.000 € para o curso 2013-2014 e
satisfarase con cargo á partida 2310.4810000 distribuidas nas seguintes
anualidades
• ano 2013: 445.000 €, dos que 80.000 € destinaranse
as axudas de libros e material escolar (educación infantil 2ª etapa) e 365.000
€ a axudas de comedor
• ano 2014: 547.000 € para axudas de comedor.
TERCEIRA.- Publicidade e
prazo
A publicación das presentes bases e a resolución das axudas realizarase no
taboleiro de anuncios do Concello, nas Unidades de Traballo Social (UTS) e na
páxina de internet www.vigo.org. Anunciarase, igualmente, no Boletín
Oficial da Provincia as bases, así como o prazo de presentación de
solicitudes, que será reiterada por medio de anuncio na prensa local.
O prazo de presentación de solicitudes fixase do 2 ao 16 de maio de 2013, ambos inclusive.
As axudas que se concedan a través desta convocatoria, publicaranse no
taboleiro de anuncios do Concello e das UTS, con expresión do alumno/solicitante/expediente/colexio/finalidade
da subvención (libros, material escolar ou comedor) e a resolución recaída
(concedida-denegada ou lista de agarda).
CUARTA.-
Beneficiarios
O
programa para comedores escolares da presente convocatoria engloba dous tipos
de persoas beneficiarias, agrupados nas modalidades A e B que deben reunir os
requisitos que se sinalan:
Modalidade
A.- Por convocatoria
ordinaria, reunindo os requisitos establecidos na base sexta
Modalidade
B.- Con carácter
excepcional, co fín de dar protección as situacións carenciais ou
excepcionais do alumnado que se poideran presentar ao longo do curso escolar,
unha vez resoltas as axudas da convocatoria ordinaria, poderán solicitarse
axudas con carácter excepcional, debidamente xustificada polos técnicos do
Departamento, ante a Comisión de Valoración a que alude a base décimo primeira,
e a conseguinte aprobación da Xunta de Goberno Local, sempre e cando cumpran os
requisitos para solicitar, acheguen a documentación requirida, reseñen a causa
da excepcionalidade da solicitude e exista disponibilidade orzamentaria. Unha
vez resolta pasará a formar parte da lista de agarda única froito da
convocatoria ordinaria.
Os/as
alumnos/as estarán matriculados/as, no curso 2013/2014, en centros públicos ou
con concerto nos niveis de:
·
Educación
Infantil (2ª etapa) 3
a 5 anos
·
Educación
Primaria 6
a 12 anos
·
Educación
Secundaria Obrigatoria 12
a 16 anos
As
subvencións que se otorguen en calquera das modalidades, realizáranse en réxime
de concurrencia competitiva.
Os
alumnos/as da modalidade B integraranse na lista de agarda existente, froito da
convocatoria ordinaria, en función da renda per cápita obtida.
QUINTA.-
Compatibilidade
As axudas
municipais escolares de libros, material escolar e comedor son incompatibles
con calquera outra axuda para a mesma finalidade de organismos públicos ou
privados, agás as que concede o Concello
de Vigo a través das FOANPAS e a Consellería de Educación da Xunta de Galicia
para comedor, comprometéndose o solicitante a comunicar e/ou reintegrar o concedido polo Concello de Vigo,
no caso de ter percibida outra axuda
Os
alumnos/as tutelados/as pola Xunta de Galicia tampouco poderán acceder as
axudas de libros, material escolar e comedor.
No caso de ter axuda de comedor concedida e seren tutelados pola Xunta,
esta sería revocada.
SEXTA.-
Requisitos
Serán requisitos necesarios
para solicitar as axudas:
·
A unidade
familiar deberá estar empadroada e
residir de modo efectivo no Concello de Vigo (a comprobación realizarase polo
propio Departamento de Benestar Social).
·
Convivir
cos alumnos/as para os que se solicitan
as axudas
·
Con
respecto á axuda de comedor débese contar con praza no mesmo, de non ser así
aínda tendo concedida a axuda non se fará efectiva.
·
Que os/as
alumnos/as para os/as que se solicitan as axudas estean matriculados ou teñan
reserva de matrícula en centros públicos ou con concerto, en segunda etapa de
Educación Infantil, Educación Primaria e Educación Secundaria Obrigatoria.
·
Para
acceder aos beneficios de conciliación de vida familiar e laboral, os pais,
nais, titores ou acolledores deberán xustificar atoparse empregados no mes
anterior ao da convocatoria.
·
Ter
presentado a solicitude e documentación durante os prazos estipulados.
·
Que a
renda per cápita bruta anual da unidade familiar non exceda do 75% do IPREM,
que equivale ao 100% do subsidio básico da Renda de Integración Social de
Galicia para o ano 2012, equivalente a 4.792,56 euros anuais. No caso de non
existir datos dos ingresos da unidade familiar, computaráse como mínimo
familiar o equivalente ao subsidio básico da Renda de Integración Social,
4.792,56 euros anuais.
·
Que os
centros educativos para os que se solicita a axuda estén ubicados no termo
municipal de Vigo.
Para os
efectos destas axudas entendese por unidade familiar:
a)
A formada
polos cónxuxes e os seus descendentes, que convivan habitualmente.
b)
Nos casos
de separación legal, viuvez, familia monoparental ou unión de feito sen vínculo
matrimonial, a formada polos respectivos titulares cos seus descendentes, que
convivan habitualmente.
c)
A formada
polo/a posible beneficiario/a e seus acolledores de feito ou de dereito, que
convivan habitualmente.
d)
A
separación transitoria motivada por razóns de estudo, traballo, tratamento
médico ou outras causas similares, non rompen a convivencia para estes efectos.
SÉTIMA.-
Sistemas de solicitude e documentación
a)
Os
solicitantes, independentemente de que obtivesen axuda na convocatoria
anterior, deberán participar como demandantes de nova convocatoria, para o que
subscribirán impreso de solicitude segundo modelo I, asinado por todolos
membros da unidade familiar maiores de 18 anos.
b)
Fotocopia
do DNI, NIE ou pasaporte do solicitante, e dos membros maiores de 18 anos.
c)
Fotocopia
do libro de familia completo ou documentación oficial acreditativa dos membros
da unidade familiar coas súas datas de nacemento.
d)
Para
os/as alumnos/as de Educación Infantil (2ª etapa) que soliciten, libros e
material escolar, aportarán un xustificante do centro educativo no que se faga
constar que para o curso 2013/14 están matriculados/as ou teñen reserva de
matrícula neste nivel educativo.
e)
Para
os/as alumnos/as de Educación Infantil (2ª etapa), primaria ou secundaria
obrigatoria que soliciten axudas de comedor, aportarán un xustificante do
centro escolar no que se faga constar que teñen interés no servizo de comedor
para o curso 2013/2014.
f)
Fotocopia
da certificación do grao de discapacidade no caso de que algún fillo/a da
familia esté afectado/a por ella.
g)
Certificado
de empresa, nóminas ou vida laboral, de atoparse en activo no mes anterior o da
solicitude dos pais/nais dos alumnos, ou do pai/nai, en caso de familia
monoparental, ou titores e acolledores, para valoración de conciliación
familiar e laboral
h)
No
suposto de resultar beneficiario das axudas de libros e material escolar no
momento de recibir o talón presentará factura xustificativa orixinal.
OITAVA.- Formalización de
solicitudes
Os/as
solicitantes das axudas consideradas nas presente bases presentarán as súas
solicitudes a través do Rexistro Xeral
Municipal ou por calquera dos procedementos establecidos no artigo 38.4 da Lei
30/1992 do 26 de novembro de réxime xurídico das administracións públicas e do
procedemento administrativo común na súa redacción dada pola Lei 4/1999 do 13
de xaneiro.
NOVENA.-
Tramitación e subsanación de solicitudes
A
instrucción do procedemento de concesión das axudas convocadas, correspóndelle
ao Departamento de Benestar Social, que recibirá as solicitudes e comprobará os
requisitos esixibles e a documentación acreditativa, e si fora o caso,
requerirá para subsanación da solicitude ou documentación perceptiva de acordo
co establecido no art. 71.1 da Lei de réxime xurídico das administracións
públicas, para que no prazo de 10 días hábiles, enmende a falta ou acompañe os
documentos requiridos; informaráselle de que, de non o facer, teráselle por
desistido da súa petición, tras a resolución que deberá ser ditada nos termos
do artigo 42 da Lei 30/1992, modificada pola Lei 4/1999.
DECIMA.-
Criterios de valoración
As
solicitudes valoraranse tendo en conta a renda per cápita dos compoñentes da
unidade familiar do ano 2012.
1.
No caso
de existir un/a menor na unidade familiar cunha discapacidade recoñecida entre o 33% e o 65%, este fillo/a computará
por dous membros, no caso de que a discapacidade sexa superior ao 65% este
fillo computará por tres membros.
2.
No caso
de solicitudes que accedan para conciliación de vida familiar e laboral
(emprego dos proxenitores, titores ou acolledores), computaráse un membro máis
na unidade familiar.
A lista
de concesión farase por orden inverso ao da contía da renda per cápita da
unidade familiar, de menor a maior contía. No caso de igualdade de ingresos,
concederáse por maior número de membros da unidade familiar.
DÉCIMO
PRIMEIRA.- Comisión de valoración
A
Comisión de Valoración quedará integrada pola Concelleira Delegada da Área de
Política de Benestar, que actuará de presidenta; o xefe de área de Acción
Social; a xefa de Servicio de Benestar Social e a técnica responsable do
programa. Este órgano colexiado emitirá informe no que se concrete o resultado
da avaliación.
DÉCIMO SEGUNDA.- Concesión
e resolución das axudas
O/a
instructor/a do procedemento avaliará as solicitudes de conformidade cos
criterios e valoración que se determinan na base décima, e fará constar
expresamente que da información que obra no seu poder, se desprende que os
beneficiarios cumpren todos os requisitos necesarios para acceder ás
subvencións. O/a instructor/a do procedemento solicitará unha avaliación previa
dos/as profesionais responsables das Unidades de Traballo Social, de
considerarse necesario.
Rematada
a instrucción do expediente, este remitiráselle á Comisión de Valoración
establecida na base undécima.
A
proposta de resolución conterá a relación na que se indicará todos os/as
solicitantes que participan na
convocatoria, os/as alumnos/as, renda per cápita anual, expediente, colexio,
curso, concepto (libros, material escolar e comedor), resolución das axudas, co
seu estado de concedido, denegado ou lista de agarda.
-
Concedidas.-
Reseñarase a subvención individual de cada beneficiario/a, tendo en conta que o
importe total das mesmas no poden superar o crédito consignado.
-
Denegadas.-
Farase constar algúns dos seguintes motivos :
-
A
solicitude foi presentada fóra de prazo.
-
Non
aportan a documentación requerida.
-
Non estar
empadroados/as.
-
Matriculado
nun centro privado sen concerto.
-
Supera os
ingresos.
-
O centro
non conta co servizo de comedor.
-
O/A
alumno/a non está matriculado/a.
-
Por non
cumprimento do requisito de excepcionalidade.
-
Lista de
agarda: coa sua correspondente orde, por renda per cápita
A Xunta
de Goberno Local, a proposta da instructora do procedemento, previo informe da
Comisión de Valoración, acordará a aprobación definitiva das subvencións con
cargo á partida 2310.4810000 “Becas libros, material escolar e comedor” do orzamento de Benestar Social Concello do ano
2013 e 2014, por uns importes máximos de 80.000€ para axudas de libros e
material escolar de Educación infantil
(2ª etapa) e 912.000 € para comedor do curso 2013/2014.
Logo da
aprobación definitiva das subvencións, publicaráse na paxina web do concello e
nas UTS a lista de beneficiarios/as, co seu estado de concedido, denegado, ou
lista de agarda.
DECIMO TERCEIRA.- Contía ,
pagamento das axudas e xustificación.
1.-
Contía para libros e material escolar
Educación
infantil (3, 4 e 5 anos) ........................................ 80,00 € /
alumno/a
O pagamento destas axudas realizarase dunha soa vez por medio de cheque
bancario, tras a presentación de facturas orixinais. Ditos cheques aboaránse
no Departamento de Benestar Social do Concello de Vigo do 1 a o 30 de outubro
de 2013.
Nos casos
especiais e tendo en conta a situación social da familia subvencionada, o
pagamento da axuda, tras a delegación escrita do beneficiario/a, aboaráselle
ao/a profesional da UTS ou programa correspondente, que disporá o pago da
contía que se subvenciona directamente no establecemento subministrador do
material escolar.
2.- Contía para comedor
O prezo
da praza de comedor será comunicado polo Centro escolar, previamente deducidas
as subvención recibidas ou pendentes de recibir, para a mesma finalidade, ao
Departamento de Benestar Social do Concello.
A axuda
municipal de comedor, por mes e alumno/a será como máximo de 41 € .
Nos meses
de decembro de 2013 e abril de 2014, aboarase o 70% do custo total mensual do
comedor, en lugar do 100%, por ter menos
dias lectivos.
A
diferencia, de habela, entre o prezo da praza e a axuda municipal deberá ser
pagada polo pai, nai ou titor.
3.- Pagamento das axudas de comedor
As axudas concédense
ás familias e pagaránse aos centros, que actuarán como entidades colaboradoras
nos térmos previstos na Lei 38/2003, xeral de subvenciones, e na Lei 9/2007, de
subvencións de Galicia. Os centros
asumen o compromiso de xestionar a aplicación dos fondos, de acordo a sua
finalidade, responsabilizándose de comunicar as baixas e os traslados dos/as
alumnos/as beneficiarios/as ao Departamento de Benestar Social.
4.- Pago á entidade colaboradora e
seguemento das axudas.
O pago realizaráse mediante transferencias dende a conta habilitada
2080-5000-67-3110242616 do Departamento
de Benestar Social á conta corrente que indique cada un dos centros educativos
cos que se conveña a colaboración para a
xestión destas axudas.
A xustificación dos ingresos na entidade
colaboradora acreditarase mediante o soporte documental da transferencia.
As
propostas de aboamento aos centros educativos faranse de xeito anticipado
en tres prazos:
— O primeiro, ao longo do primeiro trimestre do curso escolar, por un importe
máximo estimado correspondente ao 40 por 100 do importe correspondiente á
resolución definitiva de beneficiarios/as.
— O segundo, no segundo trimestre
do curso escolar, ata completar un importe máximo correspondente ao 80 por 100
de todas as becas efectivamente concedidas para o curso escolar, previo
reaxuste das cantidades abonadas no primeiro
pago.
— O terceiro, no último trimestre
do curso escolar, ata completar o 100 por 100 do importe total de todas as
becas, en función das necesidades reales satisfeitas nos pagos anteriores e
previo reaxuste da cantidade concedida nos mesmos.
As direccións
dos centros certificarán a utilización do servizo de comedor por parte
dos/as alumnos/as beneficiarios/as
coincidentes cos tres aboamentos e a
aplicación dos fondos recibidos ao pago
dos servizos de comedor, achegando ao
remate do curso os listados de sinaturas dos pais, nais e/ou titores.
No pago do segundo e tercer aboamento regularizaranse
os correspondentes axustes debidos aos
traslados ou renuncias dos alumnos/as beneficiarios/as, tendo que reintegrar, en todo caso as cantidades que correspondan
as baixas producidas e non cubertas con
alumnos/as da lista de agarda.
O
traslado de centro docente o longo do curso dentro do municipio, non supón para
o beneficiario/a, a perda da axuda, sempre e cando, no novo centro exista
dispoñibilidade de praza e sexa comunicado ao Departamento de Benestar Social
para a súa autorización. O traslado, de producirse, surtirá efectos a partir do
primeiro día do mes seguinte.
Se o/a
alumno/a trasladárase sen finalizar o mes a outro centro, será a familia a que
se faga cargo do abono do comedor.
De
producirse baixas entre os beneficiarios/as das axudas escolares de libros,
material escolar e comedor, estas serán cubertas por outros alumnos/as, que
téndoa solicitada por calquera das modalidades fixadas na claúsula cuarta,
atópanse na lista de agarda con menor renda per cápita, independentemente do
colexio ao que pertenza, sempre que exista crédito.
DÉCIMO
CUARTA.- Reclamacións
DÉCIMO
QUINTA.- Obrigas dos beneficiarios/as
Serán obrigas dos
beneficiarios/as das subvencións, ademais das previstas nestas bases e
convocatoria e das sinaladas no artigo 11 da Lei de Subvencións de Galicia, as
que seguen:
• Utilizar o servizo de comedor todo o mes, agás
causas xustificadas.
• Comunicar ó Departamento de Benestar Social ou ó
centro educativo as baixas.
• O cumprimento das normas establecidas no
regulamento interno do centro educativo para o servizo de comedor ao que
pertence o alumno/a, o Consello Escolar
do centro poderá adoptar as medidas que crea oportunas. Se a medida adoptada
fose a expulsión do servizo de comedor, a axuda suspenderase polo tempo que
esta dure.
•
O pai,
nai ou titor está obrigado/a a asinar os listados da axuda de comedor no centro escolar no que
estea matriculado o alumno/a.
• Ó aboamento por parte do pai, nai ou titor da
diferencia, de existir, entre o prezo real do comedor e a axuda percibida.
DÉCIMO
SEXTA.- Revocagión e réxime sancionador
a)
No caso
das axudas de libros e material escolar, revogarase a subvención concedida
cando esta non fora destiñada ao fin para a que foi concedida.
b)
No caso
de axudas para comedor, cando o Concello teña coñecemento da ausencia sen causa
xustificada dun alyumno/a, por un período continuado de catro días, ou tres
alternos no período dun mes, poderá sancionarse coa suspensión temporal ou
definitiva para o curso 2013-2014.
A
suspensión comenzará sempre o primeiro día do mes e de tratarse dunha
suspensión temporal, o reinicio será tamén a primeiros do mes estipulado.
c) Todas as demáis causas de reintegro que contén o
Título II da Lei 38/2003, do 17 de novembro, xeral de subvencións.
DÉCIMO
SÉPTIMA.- Norma final
En todo
aquilo non previsto nas presentes bases, serán de aplicación as normas básicas
da Lei xeral de subvencións e da Lei de subvencións de Galicia sobre causas de
invalidez (artigo 36 LXS e 32 LSG), causas e réxime de reintegro da subvencións
(artigo 37 LXS e 33 LSG), réxime de infraccións e sancións en materia de
subvencións e, en xeral, con carácter pleno ou supletorio, no non previsto, a
Lei xeral de subvencións e o seu regulamento de desenvolvemento, RD 887/2006,
de 21 de xuño; a lexislación básica do Estado de réxime local; a Lei 9/2007, de
subvencións de Galicia; as bases de execución do orzamento do Concello de Vigo
para o ano 2013; as restantes normas de dereito administrativo e, no seu
defecto, as normas de dereito privado.
Toda esta información está a disposición na páxina https://sede.vigo.org/expedientes/avisos/aviso.jsp?id=112&lang=g
BASES REGULADORAS E CONVOCATORIA ESPECÍFICA PARA A CONCESIÓN DE AXUDAS MUNICIPAIS DE LIBROS, MATERIAL ESCOLAR E COMEDOR PARA ALUMNOS/AS DE CENTROS DOCENTES PÚBLICOS E PRIVADOS CONCERTADOS DE EDUCACIÓN INFANTIL (SEGUNDA ETAPA), EDUCACIÓN PRIMARIA E SECUNDARIA, DO CONCELLO DE VIGO, CURSO 2013/2014.