Este ano imos celebrar a primeira Romería Dos Maios do Anpa Sardoma Moledo que será o día 11 de Maio no recinto do colexio. A continuación deixamos un pouco de información sobre esta festa tradicional así como o programa da festa, información do concurso e a información do Crecicling que celebraremos tamen o mesmo día.
A festa dos Maios, tamén coñecida simplemente como os Maios, é unha festa popular de orixes ancestrais. Esta celebración primaveral adóitase celebrar o 1 de maio, se ben en Ourense faise tradicionalmente o día 3, que na tradición cristiá representa a árbore da que nos veñen a vida, a saúde e a resurrección, segundo di o introito á celebración da misa nese día.
Tiña
antigamente connotacións rituais totémicas á divindade primaveral ou das árbores, que se foron perdendo co paso do tempo.
A celebración
das festas de maio é común en moitos países de Europa, onde existen variantes similares da mesma festividade.
A festa
consiste en realizar diversas representacións ao redor dunha árbore ou
escultura, chamada maio. Grupos de xente cantan coplas populares (que tamén reciben a denominación de maios), ás veces
dialogadas, mentres camiñan arredor da escultura, acompañados da percusión de
dous paus. Era habitual pedir aos asistentes un aguinaldo que, por Lugo e
Ourense, adoitaba consistir nunha presada de castañas maiolas (castañas
secas), noces ou abelás, substituído hoxe por diñeiro.
É costume facer
competicións, premiando as mellores esculturas e as mellores cantigas
As figuras que
protagonizaban a festa, os maios, permiten clasificalos en:
- Maios figurados: unha figura en forma de cono -modelo máis tradicional- ou de calquera outra forma (maios artísticos). Dentro deste grupo incluiríase a árbore de maio.
- Maios humanos: unha persoa -neno ou adulto- cuberto de pólas, follas, flores etc.
Os maios
figurados consisten nunha armazón ou esqueleto de paus ou táboas de forma
cónica ou piramidal, recuberto de tea metálica ou arpillera, que se cubre de
mofo, fiúncho ou herba. A armazón constrúese sobre unha plataforma que, a modo
de padiola, permitía transporta-lo maio polas rúas do lugar.
Sobre esta
estrutura debúxanse distintos motivos con flores, follas, fiúncho, fentos, bugallos, froitos ou mesmo ovos, como
materiais máis habituais. O cumio remátase (coróase) cunha cruz. Hoxe, a
imaxinación popular tamén constrúe maios coas figuras máis variadas:
pontes, hórreos, cruceiros, casas, animais, figuras humanas etc. En localidades
costeiras, como Marín, fanse tamén
con forma de barco.
Os maios
humanos podían ser individuais: un mozo ou moza, ás veces disfraz con flores,
follas ou pólas e cunha coroa de flores. Cando se trataba dunha nena, a maia,
ía vestida de
branco, con ás e coroas de flores. Noutros lugares eran grupos de xente
vestidos do mesmo xeito, e que cantaban e danzaban arredor do maio.
Na zona de Laza ou de Entrimo plantábase
unha árbore, por veces varias [5]. Os mozos cortaban unha árbore,
a máis grande que podían, e plantábana no medio da praza principal, adornándoa
despois con faroliños. O elemento utilizado daba o nome á festa: Festa da
Árbore de Maio [6].
Probablemente
estea relacionado con estas festas da árbore o costume de colocar pólas
de xesta (tamén chamada, por esta razón, maios)
nas portas da casa e da corte, nas ventás, carros, leiras e barcas, e
actualmente nos coches, na tarde-noite do último día de abril, para que o mes
de maio protexa a casa, a xente que vive nela e as súas propiedades. Outros etnógrafos relacionan isto co ritual de alumea-las
leiras na noite do 30 ou 29 de abril, coa fin de protexer os campos e
comezar maio libres de calquera mal.
Cantigas
Había dous
tipos de cantigas para cantar ó redor dos maios. Son raras (só sobreviven en Portomarín e Lourenzá) as composicións tradicionais,
que se aprenden e repiten ano tras ano. Máis habituais son os textos que se
escribían para cada ano, recollendo feitos actuais e, cada vez máis, críticas
políticas, como esta que lle dedicaron ó gobernador civil de Pontevedra en 1923:
Nin é alto, nin
é baixo,
nin é malo, nin é bo,
parece un reló parado
dentro da Deputación.
nin é malo, nin é bo,
parece un reló parado
dentro da Deputación.
Información sobre o Concurso.
BASES:
- Podedes entregar un só debuxo orixinal por alumno/a que entregaredes ata
o día 3 maio inclusive.
- Será pintado a mán no reverso deste folio
- Valorarase a técnica, o deseño e a orixinalidade.
- Todos os debuxos serán expostos o día 11 de maio no patio do colexio
- O sábado 11 de maio,
día da festa dos maios, entregarase o agasallo o debuxo premiado as 18:00
horas.
¡
ANIMÁDEVOS A PARTICIPAR NO CONCURSO E A VIR A FESTA!
